■靚湯指阿蕭笑點都很低，大家一拍埋就有很多笑料。香港文匯報訊 （記者 梁靜儀）蕭正楠 （阿蕭）、湯洛雯 （靚湯）、簡淑兒及沈震軒等，昨日到將軍澳電視城出席新劇《一笑渡凡間》 （暫名）拜神儀式，一眾演員齊表示合作得很開心，近日公開與馬國明拍拖的靚湯心情大好，全程笑不攏嘴，就算被阿蕭取笑她拍此劇收穫多，她也是笑着否認：「都唔關呢套劇事。」阿蕭笑指靚湯名花有主，在劇中攬都唔係好敢攬她，怕開罪馬國明。湯洛雯亦有解釋一直沒對好友公開戀情，主要是想感情穩定才公開。
阿蕭表示拍這齣劇最成功是做少少事便令大家笑不停。靚湯指阿蕭笑點都很低，大家一拍埋就有很多好好笑嘅事，所以都期待劇集播出。兩人再度合作拍古裝劇，問到可有親熱戲？阿蕭即說：「攬都唔係好敢攬，套劇仲有兩日就煞科，拜神儀式算係遲來的春天。」靚湯就指因新冠疫情關係開鏡禮才會延遲舉行。
問到二人劇集拍竣後有何安排？靚湯說：「會不停瞓幾日，我可以瞓廿四小時，因為之前日日開外景曬得太勁，𠵱家仲係工作Mode，今晚仲要拍淋雨戲，都怕冷親， （男友馬國明的新劇也差不多煞科？）𠵱家又冇得去旅行，睇吓到時點啦，或者出去食飯。」
說到她的妹妹在網上留言叫馬明不要「蝦」她，靚湯指妹妹只是說笑。
至於馬國明的好兄弟林子善及唐詩詠因不知他們拍拖的事而不開心，靚湯解釋因為他們想感情穩定些至通知大家，加上近期都要開工，就算她的好友岑杏賢都一樣冇講。問到遲些會否請食飯氹返他們？她說：「咁要睇佢（馬國明）點安排，佢邀請我會出席，咁我同子善及詩詠都合作過，都識得。」
簡淑兒獻出多個第一次
阿蕭的太太黃翠如日前在玩具店找到老公當年的閃卡，還因賣5元而考慮買不買。他笑指翠如很慳家，5元寧願買棵葱好過買他的閃卡。他又笑稱自己影該輯閃卡時，大約二十四五歲，當時嫩口很多。問到他自己可有儲自己的閃卡？阿蕭笑說：「我自己無儲，但有粉絲儲咗一套送畀我，𠵱家放咗喺屋企一個角落， （閃卡已由當年1元升值到5元？）升5倍已好好，如果當年儲一千萬張，𠵱家有五千萬啦！」靚湯笑問阿蕭：「係咪『??????』嗰個年代？」阿蕭即反擊：「??你個頭，等我仲忍口唔講你啲戀情。」靚湯表示兒時都有儲閃卡，當年鍾意何嘉莉、張栢芝。
首次拍古裝的簡淑兒，笑言為此劇獻出很多第一次，第一次拍打戲、吊威吔和除衫：「嗰場戲講我色誘阿蕭 ，好大挑戰，要露背露肩，不過已黐滿膠紙，開頭我唔知原來都要除褲，所以即刻搵條打底褲，初頭咁樣攬住阿蕭是有少少尷尬，都算係最大膽一次，好彩大家都好專業。」問到當日阿蕭的太太黃翠如可有來監場？她說：「唔需要，好小事，但聽到廠外有男同事知道我要除衫喎，話要入廠裝吓，最後當然無畀佢哋入去啦。」