■ 張若希呼籲大家游水或行山都要帶走垃圾。香港文匯報訊 （記者 文芬）唐韋琪（Vikki姐姐）的16歲徒弟張若希之前因為疫情及限聚令，都留在家中好一段時間，最近見疫情緩和，若希跟父母及哥哥一齊到海灘游水曬太陽，全家仲順手做環保戰士，帶齊工具做沙灘義工執垃圾。
若希說：「沙灘迫爆泳客，之前去沙灘發現，有啲人好無公德心亂掉垃圾，又唔將垃圾帶走，所以喺父親節嗰日，特登同家人再去海灘游水兼執垃圾，其實大家住喺香港呢個地方，應該珍惜大自然，一齊保護沙灘清潔，呼籲大家去海灘又好，行山又好，記得帶走垃圾。」
火熱天氣下執垃圾辛唔辛苦？她好開心咁笑：「我同屋企人都好享受沙灘執垃圾呢個活動，覺得好有意義，一啲都唔覺得辛苦，我有啲同學都話下次要約埋一齊去執垃圾，希望每一個人對地球應有責任，地球已經病得好嚴重，大家真係要好好保護同愛錫佢，每人為環保出一分力，地球至會好返。」