■太極12月將舉行大型演唱會。香港文匯報訊（記者 梁靜儀）太極早前合體拍攝MV，並重新演繹《留住我吧》，為今年12月的演唱會打響頭炮，結他手德哥希望為港人打氣：「因為疫情，大家呢半年都好困擾啦，所以今次曲風會比較多爵士樂，感覺會輕快啲，而且我哋呢班中佬都開始年紀大，唱Jazz感覺會型啲！」
太極成軍多年，但一直欠缺band leader，Gary Tong被隊友即場投票，一致推薦他當選，他說：「我其實都唔知會發生咩事，只係知道拍MV，但聽講年尾有個大搞作，冇咩所謂啦，大家埋位就會搞得成㗎啦！我哋都成5年冇一齊拍MV，今次難得聚埋，搞到現場好嘈，因為成班人都鍾意講嘢，但永遠自己有自己講，唔理人㗎！」
主音雷有輝透露，太極將在12月舉行大型演唱會，自己演唱會亦是由年底個唱演變而來：「冇12月太極騷，就冇8月我個人音樂會，佢哋想我打頭陣，同粉絲熱吓身。」鄧建明透露年底的太極騷因為在西九戶外舉行：「我哋四面台又做過，紅館又做過，今次終於可以成萬人陪我哋睇日落，相信氣氛一定好正。」