■ 戴祖儀、謝東閔拍MV遇上好天氣。香港文匯報訊（記者 梁靜儀）戴祖儀 （Joey）與謝東閔（Brian）近日為早前播出的劇集《那些我愛過的人》的插曲《夢飛翔》拍 MV，二人之前曾同為節目擔任主持及在電視籌款節目中合唱，今次真正合唱拍MV可謂駕輕就熟。
二人當日在戶外沙灘的一個天台上拍MV，由於天氣炎熱，沙灘上有不少泳客，Brian 笑說：「雙眼食冰淇淋，響咁好天拍 MV都開心嘅，出嚟嘅效果一定好靚。」
MV內又有好多放紙飛機的場面，二人見到大為興奮，一到單獨拍攝的場面，大家即刻埋位向對方發動飛機攻勢，完全唔放過襲擊對方的機會，Joey：「睇住現場工作人員大家都玩得好開心，應該係好鍾意可以當我哋係箭靶唔停咁飛襲，興奮到哇聲四起，仲有人嗌救命要求停。」
二人首次合唱，歌曲更曾進佔大馬一個廣東流行曲下載榜的冠軍，Joey興奮說：「馬來西亞係自己嘅家，好感動得到當地朋友嘅喜愛，希望疫情快啲過去可以到馬來西亞宣傳，現階段大家最緊要做好所有防疫措施，一切就會好快過去，祝福大家都身體健康。」