■ 胡鴻鈞大談他身邊的紅顏知己。香港文匯報訊（記者 梁靜儀）胡鴻鈞早前接受《星Woo大戰》訪問，大談他身邊的紅顏知己，而且更公開與各人的親密關係、癲喪趣事。
一向女人緣甚佳的胡鴻鈞，被主持要他從近期傳出緋聞的蔡思貝及鄧佩儀中二揀一，豈料胡鴻鈞想也不想就答：「我揀謝雪心！我冇乜異性朋友，有好多人聽到就話，唔係喎，好多女演員朋友呀，但其實接觸得最多係謝雪心，成日做我媽咪。」
胡鴻鈞更自爆與多次合作的劉佩玥（Moon）是老友，他說：「我同阿Moon老友程度，猶如兄弟一樣，佢係令我有職業性失聰嘅源頭，因為佢長期都只係喺我右邊耳仔邊咆哮、大叫，睇嚟我都係同返男仔做朋友好啲。」
除了阿Moon，胡鴻鈞圈中的好友還有黃智雯，不過他卻在對方面前做過一件十分尷尬的事，他回憶道：「前排黃智雯On Diet，佢着露腰衫，然後話自己好肥，仲見到有fat喺度，當時我回應佢話唔係呀，已經比以前瘦咗好多了，嗰一刻佢突然一嘢抽起我件恤衫，我諗佢係想比較下大家嘅腹肌，點知我因為太匆忙出門口關係，褲鏈未拉好，然後佢望一望我，我又望一望佢，佢大嗌一聲『噫』就走咗去。真係老貓燒鬚，好尷尬！」