■羅力威陪雨僑入產房。香港文匯報訊（記者 阿祖）35歲雨僑昨於社交平台宣布已榮升媽媽，她貼上女兒「羅小姐」的出生照片並留言：「謝謝哥哥姐姐們的祝福和禱告，羅小姐報到！」而「羅小姐」出世重6磅，雨僑透露BB是在8月8日早上8時開刀生，「不過真係咁啱，我哋冇特別揀，係醫生呢日得閒就揀咗呢日。」
爸爸羅力威為她取了英文名「Harper」。雨僑表示老公有陪她入產房，但沒剪臍帶。
雨僑說：「比較深刻係在疫情下會有好多不便，但對我來講係一個特別回憶，又唔係真係好麻煩，都係入院之前因為都未有咁多政策，要喺私家醫院做深喉唾液樣本，攞咗個報告先有得入院，先生有得陪產，但陪完要即刻走，冇得喺病房照顧。每日探病都係兩餐送飯時間，冇得長時間陪，所以都同我一直預想生BB嘅情況有啲唔同，但係我覺得為咗我哋、醫護同其他病人嘅安全，呢啲處理都係好恰當，所以我哋都好配合。」