■ 陳庭欣請來魔術師甄澤權進行直播。香港文匯報訊（記者 李思穎）鍾情鸚鵡的陳庭欣（Toby）從3月開始便進行網上直播，分享飼養雀鳥的心得，前晚請來魔術師甄澤權（Louis）在一間雀鳥舖進行直播。Toby好開心節目開播以來，粉絲人數與日俱增，尤以小朋友居多。
為求做好節目，Toby花上不少心思：「每逢周三便做直播，要諗請嘉賓，送禮物，搬貨都親力親為，甚至海報都係自己整，對於我這個新手確是有難度，用電腦程式砌海報都整上大半日，整到眼都矇埋，在疫情下有好多新嘗試，學懂不少事情。（叫男朋友教你？）係我教佢，佢有大力贊助禮物給我。」
Toby日前拍片分享所養的鸚鵡在家中周圍飛，有網民指其居所好大，Toby笑謂：「因為雀細才顯得屋企大，正常囉，有些人覺得寵物雀無自由，我希望佢哋每日喺屋企有得飛，不過預咗櫃頂好多雀屎，需每日清理，而家中一盞像樹枝的吊燈，便因牠們愈來愈重，企到每日變形。」
Louis因表演魔術，已飼養白鴿超過十年，有些已經離世，現時剩下4隻，他說：「試過有次在馬場綵排表演，有隻白鴿飛走了，於是地氈式搜索，搵了3、4小時，結果在附近樹林尋獲，所以上次Toby走失鸚鵡，我感同身受。」他又指所養的白鴿有的是斑鳩，在港要攞牌先可以養，斑鳩是受管制家禽，帶出來幾麻煩，要有漁護署人員睇住。