■ 薛家燕以電影《食神》的「味公主」造型拍月餅廣告。香港文匯報訊（記者 李思穎）中秋節將至，薛家燕今年與拍檔聯手推出「家燕媽媽流心奶黃月餅」，更以電影《食神》的「味公主」造型拍攝月餅廣告，廣告中家燕姐戴上人手塗色的獨一無二眼鏡，型爆現身！
家燕姐為了重現「味公主」的經典造型，悉心訂製服飾，連眼鏡都跟足，家燕姐表示：「呢副眼鏡，唔係星爺《食神》黑色嗰副，而係我個仔同我訂造嘅。咁要做返《食神》嘅『味公主』個樣，點知金色嗰副搵唔到，只係搵到副紅色，但又要影相襯返呢套衫，點算好呢？好在我個菲傭姐姐前一晚幫我用金色指甲油塗在眼鏡上，呢副係用人手手工髹嘅《食神》眼鏡，獨一無二，好有型。」
家燕姐謂：「味公主呢個造型好突出，中秋節又是個大節日，我就諗不如請名餅嘅師傅推出優質月餅，價錢要優惠，等大家過一個愉快嘅中秋節。（點解唔出傳統月餅？）我覺得傳統月餅大個咗啲，同埋現在個個都着重健康，家燕媽媽好多家庭嘅觀眾，大人同小朋友都鍾意食。」