■美國記者邁克爾發帖提醒盧比奧要同黃之鋒保持距離。Michael Yon fb截圖好多人都有「特殊癖好」，例如美國政客就鍾意揸住嚿屎，仲要係一嚿好大嘅屎。話說修例風波期間，長時間喺「抗爭」現場採訪、自稱「戰地記者」嘅美國人Michael Yon（邁克爾）近日喺facebook發文，提醒美國參議員Marco Rubio（盧比奧）要同黃之鋒（河童）保持距離，因為喺修例風波期間，班「勇武派」向佢講咗大量關於河童嘅負面傳言，仲貼咗張盧比奧同河童握手嘅相出嚟，形容盧比奧同揸住嚿「黐立立嘅屎」冇分別，應嗱嗱臨搵大量番梘同溫水洗乾淨隻手喎。今次邁克爾講到咁，一向打「國際線」嘅河童以後仲點喺美國立足同搵食呀？
喺修例風波期間，邁克爾一直撐香港嘅黑暴，更毫不掩飾佢嘅反華立場。佢喺接受香港傳媒訪問時，就聲稱「中共試圖控制香港、台灣、西藏和南海地區，還在全球搞『一帶一路』，因此香港的『抗共活動』非常重要」云云。
爆被「勇武派」力數黑材料
近日，佢喺fb帖文大讚盧比奧喺「反華」同「對抗專制政權」嘅工作做得好，但就話要舉Caution Flag（警告旗），因為河童支持「BLAMTIFA」同「泰國共產政治分子」。
所謂「BLAMTIFA」就係美國月前爆發嘅平權運動「Black Lives Matter（黑人的命也是名）」，同「Anti-Fascists（反法西斯主義者）」兩詞嘅混合簡寫，呢班人借種族問題喺美國搞咗持續多日嘅暴動，但河童唔止冇幫佢最愛嘅美國譴責暴力，反而支持呢班暴動分子。另外，河童去年亦曾同泰國「未來前進黨」黨魁塔納通會面，但呢個黨其實主張更公平咁分配權力同財富。
網民讚心水清說實話
站喺美國嘅角度，河童嘅取態簡直係「作反」，加上邁克爾話河童從不受香港「勇武派」嘅尊重，所以盧比奧應同河童劃清界線，唔好再揸住嚿屎嘞。
唔少網民都讚邁克爾心水清，好似「Man Hei Lui」就話：「總有明眼人說實話，但有幾許人聽真話？」「Yifeng Gao」亦點出事實：「Joshua Wong is a joker. He is trying to free-ride all the credit of freedom fighters.（黃之鋒係個小丑，佢想將所有自由鬥士嘅戊畟k功畀自己）」「Joe Johnson」就更精警：「The enemy of my enemy is not always my friend.（敵人嘅敵人唔一定係我嘅朋友）」。
明明個帖文直接tag咗盧比奧，但佢同河童幾日都冇回應。可能一個好努力咁洗緊手，另一個就跌咗落屎坑。不過，盧比奧多年嚟一直喺美國同河童裏應外合「反華亂港」，話唔定二人已經臭味相投，隻手洗唔洗都冇所謂。■香港文匯報記者 鄭治祖
