■ 馮盈盈經常發表爆炸性言論。香港文匯報訊 （記者 梁靜儀）八位落選港姐張盈悅、范倩雯、侯嘉欣、賴琦媛、梁懿婷等，前晚一齊為馮盈盈及陸浩明主持的《後生仔傾吓偈》節目擔任嘉賓。
馮盈盈表示節目中會跟多位落選佳麗傾偈，了解她們的心情。對於有部分佳麗表示有興趣加入《後生仔傾吓偈》及《學是學非》節目，盈盈表示無任歡迎，更不怕被搶飯碗：「其實吸納新血都係對個節目有好處，無新人就會覺得悶，最好佢哋講嘢要爆過我，如果有人取代我都冇所謂，正如潮語所講『咁多年嚟我都有啲攰啦』，作為呢個標題女王，都希望有新人事，如果有人取代自己都無所謂。」馮盈盈又稱覺得賴琦媛及羅雪妍都有潛質做同事，頗適合做節目。
另外，日前於網上流傳疑似有「電競女神」封號的Rose Ma（馬俊怡）的床上艷照，盈盈說：「我入行前識佢，同佢都係朋友，不過呢啲係其他人嘅事，我都唔清楚詳情，唔回應太多。」
賴琦媛及侯嘉欣一同受訪，兩人異口同聲表示落選後整個星期都不停食，但仍然睡眠不足，因為習慣咗集訓嘅時間，每日都自然醒。提到馮盈盈歡迎她加入《後生仔傾吓偈》，賴琦媛表示多謝師姐提攜。問到TVB可有跟她們傾合約？兩人都表示暫時未有通知，不過她們都對幕前工作感興趣。
