香港文匯報訊（記者 李思穎）太極主音歌手雷有輝原定4月「單飛」在西九戲曲中心舉行《PAT Music Over Rainbow雷有輝音樂會》，奈何疫情持續不穩，多次延期至本月10日及11日舉行，由於疫情反覆，主辦單位及場地決定把音樂會再延期到12月19至20日舉行，並容許已購票觀眾選擇退票，或對應補場場次。
雷有輝向受影響樂迷致歉，坦言多次改期令觀眾混亂：「我自己都覺得好亂！因為多次改日子，有啲Fans得、有啲人唔得退咗飛，有啲人又重新買飛之類，要講多次唔好意思，剛剛我哋大會同場地開會，決定延期去到12月，希望唔會再有咩變卦啦！今次疫情反反覆覆，做咁多年演唱會都未試過咁，不過人生係咁㗎啦！人生第一次擔正個唱，唔想有遺憾，哪怕延到下年都會搞。做band友堅持，都係一份態度嚟嘅，亦係『Rainbow After Rain』的項目概念。」