香港文匯報訊（記者 李思穎）許靖韻（Angela）全新廣東作品《謝謝對不起》於昨日推出，對於歌曲中的失戀階段，Angela坦言很有共鳴，「雖然係好可惜，但時機唔啱，太遲挽留，亦都冇轉彎嘅餘地。謝謝對不起，係有啲諷刺。」
MV於一間小木屋拍攝，故事由情侶間日常的甜蜜互動，到發現男生另有別人，大鬧分手，分手後回憶過去的畫面，都於MV中呈現。Angela坦言MV中有一幕是自己的真實故事，「有一幕係喊住睇返舊時嘅回憶，自己現實生活中有試過咁樣，但拍MV嘅話，第一次喊到咁慘。」除此之外，她表示自己最鍾意自彈自唱的部分，因為很有童話的感覺，「導演將我嘅畫面拍到特別有童話風格，同男主角嘅互動又拍得好唯美浪漫，真係好多謝佢。」MV其中一幕是Angela在畫畫，男主角在彈結他，Angela笑說：「其實我唔係好識畫畫，希望冇露底啦，不過希望自己會有呢種氣質，哈哈。」