第五場「美麗天使」上季尾在田草千八米開齋，季內初出谷草同程輕鬆再下一城，沿留四班角逐力足取跨季三連霸。「自然君子」今季一出即勝，蹄下敗將再出多有佳作，賽事水準非一般，上場再出換人跑第四名未算真敗，提防回氣再上。
第六場「疾風明駒」前仗在港初出跑千二米得第七，輸俾「顯心星」四個馬位，末段造廿二秒五一全場第二快拉士，睇追勢增程會更啱腳法，上仗用巴度得第四名走勢已露光，今次有力擔正。「威力飛馳」來港兩戰千四米俱跑第五，末段追勢令人眼前一亮，今次強配潘頓機會來了。
第七場「保羅承傳」今季初出用田泰安力拚得第二名，上場人馬原庄配搭再出順利補中，仍未見底之輩開竅後留在四班有利，可期乘勝追擊。「金元寶馬」前仗季內初出跑第三名，上場再出叮噹馬頭影輸得第二名，易廄後兩戰俱跑入三甲，今次捲土重來決心贏番場交代。
第八場「巡航導彈」上仗縮程跑直路賽贏馬姿態悅目，今次食髓知味大可作乘勝追擊。「閃電烈馬」上仗直路賽突如其來大勝實力指標「富高八斗」五個身位，照計上三班應無阻力，埋門贏好泥閘狀態對辦，輕磅可爭取跨季孖寶。
第九場「發財寶」上季加盟韋達馬房終於釋放威力，踏入今季一出即勝勇態得以承接，保持水準力足再捷。「悅驫」抵港後曾因傷影響進度，幸好馬主體諒讓此駒慢慢康復，復出後三戰獲一冠一亞一第五名，目前評分仍有大幅上升空間，賽前在從化悉心操好，決心打快攻。
第十場「高大威猛」本身健碩步大跑法主動，上季四月負一三二磅跟極快步速仍贏至收韁，締速接近頂班水準，這樣姿態贏馬，豈有不夠二班之理，今季初出用潘頓二疊照贏如儀，證明暑後持續進步，可爭跨季五連捷。「顯心星」雷神接手後三戰三勝，今季兩戰走不利路段照贏恃質凌人，埋門贏好泥地大閘應付增程，幕後戰意鮮明確實值得尊重。