■有自稱係「光時」發起人嘅「連登仔」，聲稱要踢走P。 網頁截圖管理層佔四成人工仲話合情理 「同路人」心淡拒幫襯
食人血饅頭可以話係「黃店」嘅本質。自稱要將所有資源留畀「手足」嘅網購平台「光時」，近日被外界質疑佢哋違背承諾，不但肥上瘦下，以10萬蚊高薪請個管理層，轉頭更刻薄啲「手足」。「光時」其後唔肯認衰，仲發千字文護短讚揚個高人工管理層「勞心勞力」，結果就梗係搞咗個「關公災難」出嚟。呢兩日，佢哋好似諗到新招，有個自稱已退出「光時」嘅發起人突然喺「連登」用相反嘅策略補鑊，仲大佬上身聲言要炒咗個人。人都走咗仲要扮權威，都幾得意。不過，被人呃慣嘅「黃絲」今次冇咁易收貨，唔知「光時」仲會有乜招數拆解，大家都係買定花生睇好戲啦。■香港文匯報記者 杜思文
「光時」喺成立時曾經聲稱，會「確保盈利每一分一毫都會用在支援社運人士」，並考慮營運一年後從私人商業機構申請成為社企。不過，日前就有人爆料話，一直以「義工身份」幫「光時」管理唔同部門嘅P、K、O、B呢4個人，喺今年3月P同K就要求轉為受薪員工，點知P一嚟就索價10萬蚊。
當時，4人中嘅B要求P提供履歷，睇吓P究竟值唔值10萬蚊人工，點知其他3人竟然反對，最後激到B離開「光時」。爆料人就話，P上一份工嘅月薪只得四、五萬，而且佢喺「光時」做義工嗰陣已被舊公司炒魷。
刻薄「手足」抽起培訓
報料人續稱，P除咗肥自己之外，仲要刻薄「手足」，令唔少「手足」冇工開又冇得接受培訓。最近，「光時」又搞眾籌，試圖搶其他「基金」嘅水喉，俾一眾網民鬧爆呃「同路人」課金，自己出厚糧，當「手足」係condom。
「光時」其後喺「官方」回應話，管理層「一致認為」P係功不可沒，而且佢??家主力負責Logistics、Sourcing、IT、Finance 4個部門，做生意嘅人就都明白為何會值10萬蚊人工，而且P實際亦無10萬蚊人工。
發起人「講人話」圖漂白
「光時」呢場風波唔細，睇嚟都會失咗人心。日前，突然有個聲稱喺上年12月已退出「光時」嘅發起人「兜風去吹風」就喺「連登」開post，話自己「絕對有權講兩句」，聲稱自己走前講過，要大富大貴，就唔好嚟「光時」做，「光時」資源係留畀「手足」。
佢仲話，自己將做緊嘅cash control交畀同佢心願一致嘅人，點知P??家唔單止迫走自己欽定做cash control嘅人，更自己控制埋「光時」，已經完全背離自己創立「光時」嘅原意。佢要求P即刻交返晒所有嘢出嚟，唔准再接觸公司嘅cash control，仲大佬上身話「You are fired !」
不過，佢哋點花式洗白都係嘥氣。「John Wong」狠批：「其實當初買『光時』，係你地（哋）個理念：請『手足』。就算你地（哋）啲貨貴，出貨慢都唔介意。但係你依（??）家出聲明話我知，你地（哋）3個管理層嘅人工好合情合理地佔左（咗）39.6%嘅話，咁我幫襯嘅錢都好合情合理咁唔係俾（畀）緊『手足』。我角度睇就係你地（哋）依（??）家嘅做法同初衷係背道而馳，咁我會選擇其他『黃店』。」
網民：個個掛住食血饅
「銅鑼灣肥屍」就話：「『光時』嘅鬧劇好×丟架，真係天下烏鴉一樣黑。」「牙東囝」慨嘆：「個個掛朵（住）食人血饅頭。」「連登煩膠」就話：「班管理層自己肥就得，比（畀）多少少『手足』就唔得，裝返幾部冷氣比（畀）『手足』用下（吓）都好啦。」「紅豆」就講出實情：「錢，係可以令到90%既（嘅）人同野（嘢）變質。」