■ 黎諾懿（右）、陳煒均不擔心表演時失手。香港文匯報訊（記者 梁靜儀）黎諾懿與陳煒（煒哥）、王敏奕、黃智賢等昨日在將軍澳電視城為《萬千星輝賀台慶》項目環節進行錄影。黎諾懿、煒哥，以及王敏奕都會下廚，諾懿表示不怕失手，反而抗拒唱歌，特別是唱國語，直言獻醜不如藏拙。
黎諾懿表示會煮牛肉的菜式，然而他多年前已戒食牛，問到如何試味？他說：「我唔食牛都識整，神乎其技，好彩牛嘅味道好單一，主要落鹽同埋黑胡椒就可以調校味道，因為平時喺節目內好少煮牛嘅菜式，今次特別搵最靚嘅牛去炮製豐富菜式。」
至於煒哥就會煮海鮮，而她今次煮的並非一般的海鮮，而是貴價食材中的法國藍龍蝦及西班牙紅蝦，煒哥說：「呢兩種海鮮嘅價值一向都好貴，而且好少有，加上要新鮮先煮得出鮮味。」兩人表示昨日只是錄影部分鏡頭，台慶當晚會加入節目內播出，當日會即場下廚。
去年台慶因社運關係沒有現場直播，而今年雖然仍沒有安排觀眾入場，但會進行直播，諾懿直言希望有現場觀眾：「今年做咗好多綜藝節目，場面係冷清啲，都好希望有返現場觀眾，日前拍完《逆境廚神秋冬盛宴》，都有少少現場嘅氣氛，其實已經好好多。」問到現場下廚可擔心失手？諾懿反而不介意失手，他笑說：「偶然失敗至好睇，如果太完美反而似廚房佬，以我所知有啲人上網都等睇我幾時失敗煮燶嘢。」問到煒哥又可曾試過失手？她表示在家中下廚始終有較長時間，可以慢慢煮，如果現場的話，因為時間倉卒又不熟悉架步， 都有機會失手，這方面就要靠經驗累積了。
問到諾懿除了下廚，台慶當晚可會獻唱？他自嘲說：「你哋都知我唱歌好猛料㗎啦，如果唱國語，我怕唱完大家再見唔到我，獻醜不如藏拙，如果我唱得歌『星夢』一早簽咗啦，自己知自己事，揸返鑊鏟算啦。」煒哥則預告台慶當晚會以性感打扮最靚一面示人。
王敏奕讚糖妹投資叻
王敏奕透露節目內會與黎諾懿合作下廚，她會負責煎三款不同味道的牛扒。她表示因老公曾國祥愛吃，所以她經常會煮牛扒，在家中更會整熟成塊牛扒，不過老公近日返了內地工作，她都希望快點有健康碼。
問到婚後是否多了下廚？敏奕說：「婚後反而少咗煮飯，不過我自細已幫媽咪手煮飯，媽咪又放心畀我入廚房，我都有畀細佬入廚房幫手，覺得煮飯係一家人唔錯嘅活動。」
談到早前有消息指其老爺曾志偉出售西貢獨立屋賺了九千多萬，敏奕初時表示不知情，因老爺返了內地工作，及後才承認有朋友將報道轉發給她，問到會否向老爺請教投資心得？她笑說：「唔會問，我要畀心機工作賺到第一桶金先，自己投資唔叻，反而糖妹叻，佢成日同我講，但我聽到一頭霧水， 希望好快可以喺香港買到樓畀媽咪住先。」