【資料速遞】連連歡樂質高態勇

2020-11-13

賀賢旗下明日之星「連連歡樂」，原本一早事先張揚，喺十月二十四日嘅三班一千米直路賽作為新季復出，不過幕後最終安排計劃有變，留力至今次賽事才上陣，報跑路程都係三班一千米直路賽。據「連連歡樂」家家喜團體成員透露，愛駒上月尾唔跑的原因，並非健康出現咗問題，只不過佢哋同賀賢都係有個共識，就係唔好唔出，賀賢向幕後解釋，馬匹季初時候頸部肌肉有啲繃緊，錯過早前草地大閘仄試，佢認為馬匹仲未準備好，所以寧願放棄上陣機會，延遲多三個星期至今次賽事才復出，埋門由潘頓撻番課大閘，令馬匹狀態有足夠爭勝水平，迎接新季復出，所以此匹星級馬今戰一樣值得大家注視。