第六場、第四班、一二○○米。「醒目再臨」上季僅得一席季軍，但就換來二十分的減幅，今季評四十三分起步，只要稍稍忍耐，很快就五班見面，但蘇偉賢並沒有退縮，一於操勇方上陣，結果三戰有兩場跑第四。事實上以「醒目再臨」初出一仗為例，交出廿一秒九衝刺追得第四，只係以四分三身位負於「共創繽紛」；翌仗再交廿二秒五末段時間獲殿，上場加程千四受制慢步速跑尾二，實際只輸四個馬位，連番試準後今次轉場縮程跑千二米應有所圖，屆時必可盡展所長。
第七場、第三班、一二○○米。今場睇好三歲北半球自購馬「暖在你心」，此駒上季尾由大摩轉投呂健威旗下跑過兩仗，由於比一般暑期轉倉馬有更多時間適應，進度方面亦來得更好，而且此駒一直在摸索階段，內在潛力根本完全未展露，看看馬匹上季轉呂廄後的兩仗，分別跑田草直路賽及千二米，均在落後甚遠的情況下大幅追近，以為是短途後上馬？但今季兩場入Q，都係搶前放頭取得，能夠在截然不同跑法下均交出走勢兼跑近，擺明是有分在手。前仗不敵「顯心星」，上場負於「同樂日」，俱非易與之馬，今次渡江上陣分量非同小可，有力打開勝利之門。