香港文匯報訊（記者 梁靜儀）龔嘉欣、羅天宇、王敏奕、謝東閔、糖妹、白彪、石修及劉溫馨等，昨日到將軍澳電視城出席劇集《香港愛情故事》宣傳活動。龔嘉欣與羅天宇躲進太空艙重演劇中床戲一幕，天宇更尷尬至臉紅，之後他又自彈自唱英文情歌，嘉欣就搞笑指他唱得好可以簽「星夢」。而劇中飾演老夫少妻的石修與劉溫馨，亦有親密演出，身穿短裙的溫馨坐在石修大髀上，石修就伏在她的心口，一臉享受合照，令在場的白彪羨慕不已。活動尾聲，劇組推出蛋糕，為日前生日的龔嘉欣及謝東閔慶祝，二人一起許願及切蛋糕。
嘉欣與羅天宇事後一起受訪，對於劇集有好口碑，嘉欣表示很開心。天宇指嘉欣當時喊足2分幾鐘，但最後只Cut剩2秒鐘播出。嘉欣指因為導演沒有嗌停，但出來卻剪剩2秒，這場戲因為要憑空想像，所以拍得很辛苦，就當是一個考試。她亦預告第三集會有激情戲：「最激一場係喺太空艙，拍嗰時好尷尬，因為天宇只着底褲拍。」天宇自爆拍攝時幾乎被嘉欣扯甩內褲：「我即刻捉返住，之後我就即刻着多兩條褲，最後着咗3條褲，嚇親人就唔好啦。」
本月5日是嘉欣的31歲生日，她表示當日兩位好友陳凱琳（Grace）及譚凱琪（Zoe）為她下廚慶祝，問她生日冇仔陪有姊妹陪就夠？她說：「夠啦，都已經好忙，我要做兼職保姆慰勞佢哋。」
談到她與富二代男友分手後，得到逾900萬新樓及百萬跑車揸手，嘉欣聞言即說：「咁好嘅咩？」她澄清沒有此事：「由開始到結束都冇呢件事，對方唔係圈中人，好似影響咗吽A對我都有影響，以為我封盤，所以繼續等吓先。至於層樓我係用首置，都按咗幾高成數，買咗要繼續供，好彩劇集出後已有外快傾緊。」天宇聞言亦感羨慕，並說：「真係？我好似仲未有。」
王敏奕過Working Christmas
人妻王敏奕在劇集中主動錫謝東閔，問到老公曾國祥可有收看？她說：「佢未睇呀，已經叫佢快啲睇，（如果老公嬲會點補償？）佢唔會嬲，大導演經得起風浪，佢有咩畫面未經歷過，自己睇咗幾開心，作為演員唔會諗底線，最緊要打動觀眾。」她又透露老公身在內地工作，所以未能一起過聖誕，她苦笑說：「係Working Christmas， Working New Year同Working Birthday，因為我1月1日生日，到時都應該要開工。」