■馬國明正準備替女友物色聖誕禮物。香港文匯報訊（記者 梁靜儀）馬國明昨日到銅鑼灣出席商場的拍攝宣傳活動，他表示不抗拒與女友湯洛雯情侶檔出席活動，但未知有沒有人搞活動。
馬國明表示剛拍完《兒科醫生》，近日又要忙於拍攝新劇《白色強人II》，對於疫情持續，他表示暫時主要演員不多，人少比較安全：「𠵱家未牽涉有大場面，如果有臨時演員參與，相信監製安排稍後才會拍，而且工作人員均戴上口罩，所以好放心。」他續指劇集原定遠赴瑞士取景，但現時仍未決定會否改地點， 要睇公司安排，但之後就一定要到深圳拍攝，所以要趕在3、4月前完成香港戲份拍攝，因為要連戲，聖誕節也不能放假。
談到之前無綫有員工確診，馬國明坦言會小心，但也太難避免：「每日感染人數都過百宗，喺網上查閱中招大廈，梗發現有一間喺附近，只能做好自己戴口罩及勤洗手， 如果唔好彩中咗都冇辦法。」
受疫情影響，他今年都少了出席商場活動，馬國明直言這無可避免會減少，但幸好仍獲邀參與網上廣告，以及不停有劇拍。問到可有人邀請他與女友湯洛雯以情侶檔出席聖誕節或除夕活動？他說：「有就最好，我唔抗拒，未試過呀！睇吓有冇第一單啦，最怕冇人搞，不過經理人話第四波疫情爆發前，有人詢問過酬勞價錢，但活動有冇取消就冇再問啦！」
今年首度跟女友湯洛雯度過聖誕節，馬國明透露正暗中物色禮物送給女友，但在網上睇中的款式香港沒有售賣，或者要再搜尋，他笑說：「現時仲諗緊，睇吓可唔可以託人買或者揀第二樣送囉！我鍾意送啲實用嘢，但有少少特別，可以成日用到。」