![■潛逃嘅陷獗腄]中）日前為咗「自證清白」，公開去年底就私人檢控眾籌300多萬港元核數報告。圖為丹麥國會議員在社交平台展示與許智峯的合照。 資料圖片](http://image.wenweipo.com/2020/12/10/a07b.jpg)
■潛逃嘅陷獗腄]中）日前為咗「自證清白」，公開去年底就私人檢控眾籌300多萬港元核數報告。圖為丹麥國會議員在社交平台展示與許智峯的合照。 資料圖片籌300多萬花112萬付律師費 張國鈞湯家驊：港人特別易騙？
邊個講大話最叻、最識「走法律罅」利益輸送同私相授受？答案只有一個，咪攬炒派囉。棄保潛逃嘅民主黨前成員許智峯日前為咗「自證清白」，公開去年底就私人檢控眾籌300多萬港元嘅核數報告，但俾金睛火眼嘅政界人士發現佢嘅律師費竟然高達112萬港元，而代表律師更係佢嘅前黨友楊浩然。呢啲瓜田李下嘅事，令行政會議成員、民建聯立法會議員張國鈞同行政會議成員、資深大律師湯家驊都質疑佢哋係私相授受，同時反問「是否香港人特別容易受騙？」■香港文匯報記者 郭家好
話說許智峯提出嘅私人檢控包括去年10月有的士司機喺深水埗懷疑俾暴徒包圍襲擊及「搶軚」下，令其的士剷上行人路意外撞傷黑衣魔一案，及去年11月有暴徒企圖搶槍而被一名交通警員開槍射中腹部案，兩案原本獲法庭批出傳票，後來律政司介入要求撤銷兩案，並獲西九龍裁判法院裁判官批准。
就凍結戶口一事，許智峯宣稱吤h年發起嘅眾籌金額只存於律師樓戶口，並無轉往任何其他戶口，同個人及家人戶口完全無關，仲話眾籌所支付嘅私人檢控及司法覆核等案件已全面展開，聲稱警方喺吽u宣布流亡」後凍結戶口屬「政治報復」喎。
律師前黨友 疑私相授受
不過，有政界人士突破盲點，發現許智峯列出嘅核數報告中有成112萬港元用於支付律師費，而代表律師更係佢嘅前黨友楊浩然。
就此，張國鈞不禁喺facebook度問一句「呢啲係咪反對派自己平日口中嘅利益輸送，私相授受！」
而湯家驊更反問香港人係咪特別容易俾許智峯呃，並直言佢對事件真係冇眼睇呀，「是否香港人特別容易受騙？上至法官，下至你我：外訪也可以虛構；籌了300多萬，竟然花了百多萬在裁判司處過堂，重（仲）要大狀也沒請，只係花在『自己友』身上......真係聞所未聞！唉！冇眼睇！」
網民：利益輸送好明顯
就此，網民認為許智峯及楊浩然之間私相授受嘅可能性非常大。「Elizabeth Chan」話唔好當人係傻嘅，「利益輸送得咁明顯，真係當其他人係傻仔」；「Shuk Man Edith Yu」認為「私吞眾籌，就係咁簡單」；「Lester Chow」話係同黨合謀，「騙徒層出不窮，同一黨合謀」；「Andict Mui」覺得呢個做法非常符合攬炒派嘅風格，「明顯是利益輸送集團！非常民主派！」「On Kiu Yeung」揶揄「點解要篤爆佢，令佢情何以堪。」「Bill Ip」恥笑許智峯呢鋪失策，「最抵死係自己公開賬單，俾人知道使咗成百萬律師費」。
點都好，我哋相信廣大市民都有一雙慧眼，會心如明鏡地看待呢件事。