第三場、第五班、一八○○米。「上浦福滿」屬泥地好手，前季一口氣於泥地中長途打疊贏三場升上三班，結果因為搏得太多出現疲態，加上評分高企，令到上季一整季毫無表現，陣上演出令人失望，此暑期加盟高伯新馬房，前仗復出跑谷草一哩依然取得殿軍，反映馬兒已有起色，上仗泥地抽十四檔，跑到拉士才力弱，今次重返谷草上陣有權擊敗對手，最佳冷品。
第四場、第四班、一二○○米。「零距離」周歲價五萬澳元，在南澳洲由郭朗堅訓練，今年三月中曾在當地試兩歲馬一千米草閘勝出，抵港後試閘佩戴眼罩下亦交出良好速度。父系「豪華房車」子嗣出賽初期可應付較短途路程，而「零距離」母系及兩匹同母馬均於短途賽勝出，不過家族成員卻有考菲爾德錦標亞軍「拉丁作家」及高多芬馬房昔日佳駟「中東曲奇」名字；「零距離」來港後曾渡江試好谷閘，有力先發制人。
第六場、第三班、一六五○米。冷品可以一敲「妙算達人」，前季評九十四分以九十二倍身份在四歲馬系列的經典盃爆冷贏馬，之後一直跑唔番，評分亦由最高一○二分跌到目前七十二分，季內兩場千四米走勢雖敗但並不脫節，變數是轉來谷草兼加程，加上一向跑法主動，轉場刺激新鮮感而同場快馬不多應可自領，控制步速得宜，一群後追馬隨時追唔到，前季的爆大冷鏡頭又會再現眼前。