■《愛美麗狂想曲》一眾演員現身《Tiger's Talk》接受訪問。香港文匯報訊（記者 李思穎）何廣沛、陳瀅、譚凱琪（Zoe）、楊詩敏（蝦頭）及李佳芯（Ali）一眾《愛美麗狂想曲》演員接受由伍詠薇（伍姑娘）及林盛斌（Bob）主持的《Tiger's Talk》節目訪問，今次以感情的第三者作為話題。何廣沛自爆曾被同房室友奪去藕斷絲連的前度女友，而被問到在4位女演員及伍姑娘之間選女朋友，何廣沛的選擇竟然是伍詠薇。
林盛斌問到在場的唯一男性嘉賓何廣沛，要在4位女演員及伍姑娘之間選女朋友會點揀？何廣沛即時選伍姑娘說：「拍過幾次拖，要揀就揀啲未試過嘅類型，夠大反差！」何廣沛即時借位親吻伍姑娘的玉手，伍姑娘見狀叫他獻吻，沒想到何廣沛都夠膽敢把頭靠近，伍姑娘說：「嘩，你真係夠膽呀喎，衰仔吖！」被問到如果瘋狂一次，會選蝦頭還是伍姑娘，何廣沛說：「Why Not Both？」
何廣沛又自爆10幾年前在外國讀書時，當時跟女朋友分手後一直都藕斷絲連，關係如像未一齊之前的曖昧，可是有日他放學回家，發現樓下停車場架車有兩個人頭郁下郁下，見到其中一個是他前女友，另一個是他同房室友，他形容當刻即時黑面：「真係幾難受，但已經分手，我連嘈嘅資格都冇。」
Bosco跟蝦頭交往甚密?
期間兩位主持爆料，指黃宗澤（Bosco）跟蝦頭交往甚密，蝦頭打趣指大家是朋友同事，但知Bosco愛吃「蝦頭」，沒想到陳瀅即時打電話給Bosco逼供，Bosco笑言：「我直情迷戀佢十年啦，佢起勢用電眼電我，最慘係電我嗰時永世唔着低胸。蝦頭出晒名身材好，但我在TVB廠外見佢都是密實打扮，認真谷鬼氣！如果蝦頭可以着住三點式喺我屋企客廳，我真係會忍唔住。蝦頭， I Love You！」蝦頭笑指Bosco沒有福氣，事關她過往的性感打扮場口，全部都是跟Bob合作。
提到「小三」話題，Zoe憶起曾經在不自知的情況下當上第三者，她表示：「當時男友揚言已跟前女友分手，沒想到拍拖一段時間後，我在別人口中得知自己反而是『第三者』，受傷係冇諗過男仔啲大話可以咁犀利，真係晴天霹靂，後來即刻分手無再聯絡。」
在劇中何廣沛跟Ali是發展姊弟戀，問到大家現實生活中能否接受姊弟戀。陳瀅表示可以接受比她小10歲至比她大10歲的男生，笑言：「如果好似三哥苗僑偉咁，我得呀！我試過有次同三嫂（戚美珍）講唔好意思，借十分鐘畀我，我今日要溝一溝你老公，佢話隨便，哈哈。」Zoe直言未能接受姊弟戀，如像帶住個弟弟出街：「我要身邊嘅人有人生閱歷，可以教我嘢，令我仰慕佢，老公就有這種條件，教到我嘢嘅人，特別會覺得吸引。」伍姑娘非常同意。