《愛美麗狂想曲》一眾演員上節目受訪。香港文匯報訊（記者 文芬）《愛美麗狂想曲》的演員陳豪、李佳芯（Ali）、陳瀅、蕭正楠、曹永廉和楊詩敏日前接受《Tiger's Talk》節目訪問，主持伍詠薇（伍姑娘）和林盛斌（Bob）問到幾位有沒有請助手難忘的經驗及談到最貪靚的圈中人，陳豪自爆曾經被助手戀上，而蕭正楠則指曹永廉十分貪靚。
談到被助手戀上的往事，陳豪說：「好多年前，佢跟咗我大約兩年，我完全唔察覺，佢係一個好能幹嘅女仔，成日都會想唔同辦法去幫我，佢話我知佢鍾意咗我，不過我當時有女朋友，都唔係好記得自己點答佢，但我都有自省係咪做咗啲咩令佢誤會，我只能夠講我係正人君子。我冇炒佢，後來佢自己辭職。」
曹永廉直言曾經在內地聘請女助手，直接跟對方同房睡，他說：「我住套房，佢瞓廳主要因為有咩佢可以幫我攔住，平時太多女演員衝入我房。」蕭正楠難忘在內地聘請的男助手，形容對方長期娘娘腔兼陰聲細氣，喜歡超近距離「咬耳仔」交談，他說：「我唔知係佢貼心，定真係過分貼心，我換衫，佢就趕晒啲人出去，但佢自己唔出去囉。」
阿廉用「辣椒油推肚」減肥
提到劇集《愛美麗狂想曲》，問到演員們心目中最貪靚的圈中人，伍詠薇率先爆是「細佬」陳山聰，她說：「佢十隻手指都戴滿戒指，全部係佢嘅家當嚟呀！」相反伍姑娘自爆平日不愛打扮化妝，非工作需要，她在家不化妝。
蕭正楠踢爆曹永廉非常貪靚，平日會為一次活動，事前去淡斑等等，他指阿廉曾經因為拍古裝擔心太肥而接受「辣椒油推肚」減肥療程，阿廉自白說：「我返內地，見佢哋用辣椒油推肚，咪去試囉，點知中途急尿，我一去廁所除褲，啲油就成身都係。」
陳豪則覺得黎姿「姿整」，他表示：「向來佢給大家的感覺好公主，有次我同佢去西藏拍攝，因當地氧氣較稀薄，佢為了想要吸更多的氧氣，便在四個角落也放了氧氣供應，當她有需要便可以隨時全程也噴，可能這樣令她可以有充足睡眠，保養皮膚。」