■黃翊現在接live也會小心為上。香港文匯報訊（記者 梁靜儀）黃翊前晚應邀到觀塘舉行music live，在現場live band伴奏下即場獻唱《黃昏戀人》，他表示今次獻唱是沒有酬勞的，而疫情期間他經常都會開live，但近兩星期有音樂人懷疑確診，所以有3個live都取消了，此外有些活動他也不敢接，因家中有小朋友及長期病患者一定要小心為上。
今日是聖誕節，黃翊表示這是自己最喜歡的節日，往年他會帶小朋友去食大餐，但今年就要悶悶地留在家中過，可能都會捉兒子去行山，因為兒子食肥了很多。問到太太不能出街會否很悶？他說：「冇辦法，唔行得（山），冇得行差踏錯、不過佢成日揸電單車去買嘢同攞嘢，喺人多的地方都會小心。」
在大埔區開有兩間食肆的他，談到生意時就無奈地說：「大排檔係做夜市，啲人係嚟食鑊氣，鍾意坐低吹水，但現在冇得堂食，如果買外賣坊間大把選擇，所以暫時唔做夜市，為咗養住班員工，改為早上做茶水，之後賣車仔麵、午餐炒飯，到下晝3點就收檔。至於茶餐廳嘅生意暫時托賴還好，呢大半年都是開朝7晚6，（拉上補下唔使蝕？）唔使入肉，但大排檔好難打成平手，現在飲食好難做。」