第五場、第四班、一○○○米。「明月生輝」父系「自在逍遙」出賽十次獲五冠一亞一季，兩歲於昆士蘭勝出三級賽，繼而攻陷神奇百萬兩歲馬經典賽。「明月生輝」去年四月兩歲時於和域園馬場出試八百米閘，以高速領放直領到底，輕勝五個馬位，乃當日六組同程時間最快，此駒母系為紐西蘭一級賽火車路錦標盟主，產下子嗣最出色有前摩廄高班短途馬「紅旗勇將」。「明月生輝」在港試閘同樣表現出速高特性，預計這匹早熟馬亦很快可交出成績，今爭窄場更妙。
第八場、第二班、一六五○米。「幸福老撾」今季五戰獲冠亞殿軍各一，近兩場用周俊樂先冠後亞，睇番上場頭三段步速為一分十六秒零三，亦與前仗一分十六秒一一相若，但剛役樂仔騎「幸福老撾」直路初段有猶豫，二百米更有一、兩下鞭是打不下去，之後去到最後八十米，先至分韁收緊馬口全力追前面師父韋達匹「進力之城」，但那時位置已經大勢已去，最終只輸馬頸位返來，若然能夠早點全力衝刺，「幸福老撾」是否有權後上反勝？大家不妨比較返「幸福老撾」近兩次賽事片段，睇吓樂仔係咪遲咗發力，今次捲土重來發揮正常水準有力再勝。