●姚嘉妮近年也加入了KOL行列。香港文匯報訊（記者 梁靜儀）姚嘉妮（嘉嘉）在新版《十月初五的月光》中飾演萬朱沙華一角，20年前該角色由陳曼娜飾演，其霸道、潑辣的演繹獲得觀眾讚賞，嘉嘉形容角色有如「女版丁蟹」， 老公同媽咪都怕了她。
從演多年，嘉嘉表示還是首次演萬朱沙華這類角色，就連她自己看完劇本都覺得角色乞人憎及刻薄，其性格是覺得自己做什麼都是有自己的道理，所以戲份幾乎全都是鬧人：「我第一次演咁奸嘅角色，有幾場戲仲要聲嘶力竭演出，講對白時要咬字清晰、壓低把聲，要表現得好有自信，否則就做唔到嗰種霸氣，我知道呢個角色有好大發揮，但因開工時間長，又有很多對白要記，感到好辛苦好大壓力。」她又表示不想模仿Manna姐（陳曼娜）的演繹方式，而新版角色不論在服裝及對白上都會新設計。
嘉嘉表示劇集已開拍了一段時間， 可能太投入角色，有時回到家中亦未能抽離角色：「以前會講笑，返到屋企都會不停同老公（林祖輝）講嘢，但𠵱家個人就變得少嘢講同cool咗，可能代入咗角色入面，套劇預計拍到3月底，我好怕抽離唔到，如果有得揀，我寧願揀拍笑片。」問到老公和一對仔女可有被她的轉變而嚇怕？說到一對仔女，嘉嘉即變得溫柔，她笑說：「我對住仔女就會變返軟皮蛇，不過老公同我媽咪都驚咗我，佢哋見到我都靜落嚟，仲驚過見我發脾氣。」