●陳山聰和姚子羚戥李施嬅覓得如意郎君開心。香港文匯報訊（記者 梁靜儀、阿祖）電視廣播有限公司旗下OTT平台myTV SUPER全新玄學清談節目《師父有請》，由堪輿學家麥玲玲及林盛斌（Bob）主持，每集邀請不同的星級嘉賓以玄學角度大談至Hit、至爆話題，一邊解構玄學，一邊分享娛樂圈趣事，並於昨日舉行記者會，除了兩位主持麥玲玲及Bob出席外，還有星級嘉賓陳山聰和姚子羚，以及邵氏兄弟控股有限公司執行董事樂易玲及 MyTV SUPER Limited營運總裁林桂興等出席。
會上陳山聰和姚子羚分別獲麥玲玲師傅送贈旺姻緣及事業吊飾及口罩，玲玲師傅更批算山聰就有機會得獎，而單身的姚子羚「寶物沉歸底，唔使等20年」，有媒人王之稱的Bob即表示要介紹醫生給子羚認識。
姚子羚表示新年期間會相約「胡說八道會」好姊妹一起去胡蓓蔚家中拜年??利是，她笑說：「每年都會去佢屋企??利是，被佢話我唔知醜好多年。」陳山聰亦趁機向子羚催婚：「李施嬅都結婚啦，你都快啲搞掂啦。」子羚被問到跟蔡宛珊前夫Raymond翻撻一事， 她表示感情事隨緣，又扯開話題，稱替施嬅宣布婚訊好開心。問到她是否早已知道施嬅結婚？她承認早已知道好姊妹婚訊：「其實我哋之前都已經知道佢訂婚㗎啦，但係就唔知佢會在昨日（即前日）公布婚訊，（有冇見過施嬅未婚夫？ ）我哋都見過，亦都認識佢，對方係一個事業有成，對工作有熱誠同心地善良嘅人，識講廣東話同英文，有頭髮，喺施嬅心目中有100分。」
至於陳山聰就表示對施嬅結婚感意外，他說：「我都唔知佢拍拖，都係睇IG先知道佢結婚，有記者打嚟問我，我就打畀施嬅求證，佢一定行大運，希望佢帶挈《金宵大廈2》，因為我拍第一集時候結婚，現在拍第二集就到佢結婚，希望佢快啲生小朋友啦。」子羚稱施嬅都好鍾意小朋友，結婚都是想組織家庭。
志偉連續兩天回無綫開會
另外，邵氏兄弟控股有限公司執行董事樂易玲透露副總經理兼行政委員會特別顧問曾志偉前日已返工，並有參與行政人員會議，會上提出了很多意見，與會人士個個都贊成。問到重點是否整頓綜藝部？樂小姐說：「唔係整頓，大家都係想做好啲，志偉都有提出好多新概念。」她又指志偉前晚開會開到連飯都無時間食，昨早十點又返了公司開會。近年無綫的綜藝節目被批欠新意，被ViuTV搶走不少觀眾？對此樂易玲說：「呢啲留返志偉大年初一出活動時再講。」
志偉連續兩天都全程專注投入開會，傾談多項無綫未來大計，昨日志偉亦如常於早上10時許乘坐七人車回電視城，一直開會至晚上七時才離開，再趕往與家人吃團年飯。