●農曆新年臨近，本港大街小巷換上迎春布置，當中以金牛裝飾最為應景。圖為市民在利園商場外的「金牛陣」打卡。市民新春祈願：送「疫鼠」迎「壯牛」
新冠疫情全球肆虐，香港特區在這一年飽受重擊，無論社會、經濟、民生等方方面面均大受影響，全港市民共同度過一個難捱的鼠年。明日是牛年大年初一，本是家家戶戶闔家歡聚的好日子，卻因避疫需遵守一連串嚴格的限聚措施，令大家無可避免要迎接這個不一樣的農曆新年！多位香港市民昨日接受文匯報記者訪問均表示，因疫情仍然嚴峻，他們將會響應政府呼籲，居家抗疫，取消外出用餐，暫停跨家庭聚餐，團年飯場所也移師家中，並採用電子拜年方式互道恭喜，盼能盡力配合政府的防疫措施，令疫情盡快過去，才可安心歡聚。
●香港文匯報記者 邵昕、成祖明
以往每年都會返回內地老家過年的鄺先生表示，今年會留在香港，「鄉下好多親戚好熱鬧，但今年因為疫情，返去要隔離，大家都要上班冇辦法。今年唯有兩公婆加埋個女，買啲雞鴨魚肉，三個人在港過年。」
在家食年飯 簡單又溫馨
他認為，為大家安全着想，取消聚會是非常值得，「留喺香港啲親戚應該都唔會聚嘞，安全第一，過年通下電話，我哋喺社交媒體有群組，大家都會群組視頻，一齊拜下年咁。」他最大的新年願望，是希望香港疫情盡早清零，盡快實現兩地互通，大家回復正常生活。
劉太太一家往年會選擇外出就餐，今年因疫情嚴峻，加上限聚措施，決定在家團年，「出面有限聚令，我哋訂咗盆菜，買咗雞同魚，年年有餘嘛！」她說，兩個兒子已在外國定居，因疫情嚴重不讓他們回來，今年與四個女兒慶祝，「我哋廣東人好注重新年，覺得有一種寄望喺度，希望新年身體健康、事事順意，因此一定會慶祝，今年就簡單啲，喺屋企食團年飯。」
她預料，今年的過年氣氛定不及往年，但花費減少，亦更安心安全，「今年肯定慳錢，唔使出去食飯，唔使出去玩，之前年年打麻將，今年都唔打嘞，幾日假期都會盡量留喺屋企，同仔女約定唔拜年嘞。」她新年的最大願望，「是希望新一年疫情可以控制到，大家可以放心暢聚。」
梁小姐以往會與家人一起慶祝新年，但今年決定一人過節，「自己煮飯，打算買雞、鴨、魚等攞個意頭，可以揀自己中意�H菜準備，選擇比較多，唔怕食唔晒，食多幾日。」她指今年活動減少，花費自然減少，已為新年假期做了簡單安排，「早上飲茶，日間做下運動在家，應該都係自己一個人。」
王先生表示，與家人一起過年，簡單又不失溫馨，「要晚上先知具體安排，以往會去餐廳一起食，但今年疫情特殊情況，唔想聚埋一齊，今年簡單啲，可能通下電話。」他指今年沒有特別宏偉的新年願望，唯願大家身體健康，萬事順意。
減少會親友 健康最重要
楊女士表示，現時疫情仍然反覆，故早前已與部分親友溝通，今年或不會前往拜年，只是「阿公嗰輩年紀比較大，又唔係成日見，過年佢哋都比較着重，所以都去探一探啦。新年願望梗係想疫情快啲過啦，回復返正常生活。」
李女士則表示，會如常往親友家中拜年，但會減少聚會時間，不會一起共進晚餐，「大家都傾緊一唔一齊食飯咁樣，始終過年大家都想見一見，聚一聚，唯有做足啲（防疫措施）啦。」她同樣表示新年願望是疫情盡快結束，健康很重要，「大家健健康康，到時可以想見就見。」