●姚子羚祝本報讀者身體健康、心想事成！姚子羚表示去年因疫情關係，很多事情都受影響，不單止工作上，還有跟媽咪分開了一年，她說：「媽咪去年返咗台灣探親，其間遇上疫情，差唔多成年都冇返來，農曆新年都返唔到，所以新一年最大願望係希望疫情快啲過，個個身體健康，自己事業方面能更上一層樓，演出嘅劇集有好收視，特別係《大步走》這套劇，因為劇集題材及各方面都好正能量，仲有好想嘗試演舞台劇及唱歌，有機會當然想唱劇集主題曲。」回顧過去一年，她表示確實是不容易走過，但她有信心牛年會更好：「2020年已經過去，希望2021香港各行各業可以重回正軌，大家可以撐住、支持住，保持一個正能量，相信只要捱得住，明天一定會更好！」