●林盛斌把自己的肖像畫上，維肖維妙。林盛斌（Bob）去年因疫情的關係，不單個人工作驟減，連帶旗下製作公司亦大受影響，然而他沒被打沉，保持個人心境樂觀外，更經常在網上發放正能量，分享教人開心、積極面對難題的方法，他說：「我發覺呢啲片或相都好受歡迎，有好多人分享，更有人私訊回覆話我知，睇完個人開心好多，自己覺得咁係好好，哪怕我寫完篇嘢只能影響一個人，但能夠影響對方生命，變得更加積極面對難關，已經好足夠。」
踏入牛年，阿Bob寄語大家要展望將來：「將過去咗嘅一道門牢牢關上，唔好再回想過去一年點樣慘，今年將多啲『希望種子』播種，當疫情過咗之後，就會見到喺呢段時間做嘅，日後就會有所得着。」