●39歲才轉行做地產代理，羅泳嫻入行之初經常要負責二手單位開放日，企在放盤單位樓盤附近派傳單。疫情持續一年多，藝人的履歷會否增加助力吸客源？羅泳嫻認為：「作用不會太大。如果你有1,000萬元買樓，都會留意是否有心水單位，多過是否會用心水經紀。所以最重要找到筍盤，遇到有客才有盤推銷，如果無盤源，即使有客都無機會推銷。」
她說，「現時電腦資訊太氾濫，不少客戶於電腦搜尋了不少筍盤，惟資料可能有誤差，如單位是凶宅，或者之前同層單位有事故、景觀問題等才會如此筍價。」她會運用自己喜愛研究樓盤的知識，每每跟睇樓客逐一解釋，令客人知清楚才作入市決定。她至今促成最大額的成交為5,000多萬元的一手盤，3,000多萬元的二手盤都做過，不單止西半山區盤，連愉景灣盤都有做過。
羅泳嫻說，「要克服疫情來做到交易，最主要是畀到客戶信心，例如要提供非常充足的資料，如租務成交、對上一宗成交，又會提醒客戶有些成交係甩名，所以價格才如此低。最難忘是有一次朋友手頭上資金不多，但可以幫佢搵到一間513萬元的深井靚海一房單位。另外亦試過簽約簽到半夜才簽成。」