第七場､第四班､一六五○米。「芙蓉莊」今季腳傷復出已跑過五仗，經連場實戰省馬提升狀態，最近已在谷草一哩得一亞一殿，當中入Q一役是與「成才」纏鬥僅輸半馬位，今次換上停賽復出嘅賀銘年，屆時冷門寧枉無縱。
第八場､第三班､一二○○米。「共創繽紛」蔡廄鐵馬今季跑得密，難得仍能保持同程全入前三名紀錄，忠心之輩仍未斷纜之前當要繼續捧場。回看上仗出爭谷草千二，不敵「資本家」及「鴻運飛鷹」三馬位得第三，走勢點到即止，今次回配田仔再戰，隨時再添勝仗。
第九場､第三班､一二○○米。「精彩有你」上季抵得住密密拚搏，而且連場躋身三甲，反觀今季出賽五次，上仗之前兩戰皆落敗距離甚遠，相信幕後目的志在減分多於一切，結果上仗減至六十分甫落四班，練者卻縮程千二出擊，豈料後上不及僅跑第三，足證其狀態已復勇八九；今次回師三班，練者續報千二誓師，波健士亦揀騎見重視，小心冷門俾你驚喜。