第二場、第四班、一二○○米。「勁得裕」父系「利確來」在澳洲服役時由希斯訓練，出賽十七次獲六冠一亞三季，勝出路程由一千至千四米，包括閃電錦標及星河大賽兩項一級賽。「利確來」退役後返回澳洲配種，超過二十匹子嗣勝出錦標賽，最出色為四項一級賽冠軍「綠化帶」。「勁得裕」周歲由文家良以十五萬澳元購入，母系曾勝出八場冠軍，包括表列賽及多次於相若級數賽事上名。產下數匹子嗣俱在澳洲出賽，主要在中短途賽表現較佳。既有父系「利確來」速度，母線亦擁全中短途美國血統，「勁得裕」短途實力值得高估。
第九場、第三班、一二○○米。蘇保羅九歲嘅「騰龍超影」，一共服役六季，今季竟然係表現最好嘅一季，出賽八次有七次跑入三甲，獲一冠兩亞四季，越老越可愛。「騰龍超影」同廄侶「實力飛駒」唔同，後駒服役首兩季已光芒四射，相反「騰龍超影」一來港就插二班八十五分評分太高，所以第一季捧蛋，要到第二季季中先開齋，估唔到呢匹馬嚟到服役生涯後期越跑越好，季內四班贏得服役生涯第四W，升上三班仍交出兩亞兩季唔覺退化，希望呢隻「耆英」屆時又有驚喜。