● 薛家燕香港文匯報訊（記者 李思穎）薛家燕為一廚具品牌擔任代言人，昨日出席簽約儀式，家燕姐高興地說：「踏入牛年，我真係幾旺，可以做嫲嫲，又做廚具品牌代言人。」
簽約儀式上，家燕姐示範香煎蘿蔔糕，寓意「步步高升，銷量再創高峰！」家燕姐獲品牌送贈高速煲，她說：「啱晒我煲湯水畀新抱飲，夠晒火喉，我一知道新抱有咗，第二朝8點就起身，周圍問人應該煲咩湯畀新抱飲。以前我有咗BB時，足足重咗40磅，不過新抱話現在進補要循序漸進，要懂得揀飲擇食。」
談到牛年大旺，李居明大師指家燕姐今年紅鸞星動，新抱有喜，現最希望女兒早日找到如意郎君，開枝散葉。家燕姐笑笑說：「咁梗係啦！兩個女快啲拍拖！今年我會接少啲嘢做，因為要湊孫嘛！咁珊珊（大女）又無咁忙，可以多啲時間去拍拖。」
另外，昨日元宵佳節，家燕姐當然會跟男友隔空談情慶祝，家燕姐笑着說：「我已經買咗湯圓，用個高速煲嚟煮湯圓，我同佢隔住個mon一齊食，雖然係隔住個mon食，但我陪住佢食，湯圓都特別甜呀！」