● 龔嘉欣希望從另一半身上學習。香港文匯報訊（記者 梁靜儀）龔嘉欣憑主演的劇集《殺手》及《香港愛情故事》大受歡迎，年初在《萬千星輝頒獎典禮2020》上分別獲得「馬來西亞最喜愛TVB女主角」及「最受歡迎電視女角色」，演技再次獲得肯定，30加1的嘉欣，事業得意，去年又成功上車，新一年亦希望遇上真姻緣，但她揚言不接受「姊弟戀」。
嘉欣表示過往每年屋企都會擺棵桃花應節，今年搬了新屋都想行桃花運，她笑說：「反而旺咗嚟我屋企朋友啲姻緣，兩個圈外朋友都成事有拍拖，但觀眾緣嘅『桃花』我都有嘅。」
入行接近13年，嘉欣只公開承認過與鄧健泓的一段情，直至年前才再傳出有新戀情，有指嘉欣戀上馬來西亞富二代，不過嘉欣就強調二人只是普通朋友。問到會否渴望有真桃花出現？她坦白說：「都想嘅，但覺得要搵一個可以互相支持對方工作嘅人唔係一件容易嘅事，自己辛苦多年建立嘅事業，若果得唔到對方支持會覺得好可惜，（圈中人會較適合？）圈內外都冇所謂，最緊要體諒我。」
抗拒姊弟戀
她與陳凱琳、譚凱琪及沈卓盈組成的「少婦聯盟」，短短幾年間，其中三位成員都已成人妻，剩得嘉欣感情上仍未有着落，問到幾個好姊妹可有給她介紹好男仔？嘉欣慨嘆有介紹但未遇到合適的對象：「介紹親都......冇個得，都係相處問題，係因為做我哋呢一行嘅另一半承受嘅壓力都好大，佢哋未必會承受到，（可介意另一半年紀比自己細？）最好唔好，唔想好似湊細佬，我自己又早出嚟工作偏向成熟，想喺另一半身上學到嘢，但唔係要對方照顧我，而揀另一半條件首要心地好及孝順。」
嘉欣坦言已經年過30歲，本身亦好重視家庭及喜歡小朋友，再拍拖會以結婚為目標。問到會否羨慕好姊妹做了媽媽？嘉欣稱不會羨慕，但會戥她們開心：「佢哋好大方，每次見到佢哋嘅BB，佢哋都會交畀我湊，我都好樂意做保姆，雖然身邊個個朋友做咗父母，我又未知係咪有機會做到媽媽，但係同佢哋啲小朋友玩就當係一種學習。」她在自爆多年前曾搵相士算命，相士當時批算她這個年紀已經嫁人，可是目前她仍是單身，故現在她不再算命了，相信姻緣由天注定。