● 余香凝憑歌寄意籲珍惜親人。香港文匯報訊（記者 梁靜儀）快將為人母的余香凝（Jennifer）相隔一年再度推出個人新歌《最好陪伴》，新歌是她與鮑起靜主演的微電影《日子總有我陪伴你走》的主題曲，歌詞是講親情，Jennifer說：「這首歌講人與人之間感情，同微電影有關係，要珍惜人與人之間啲關係，唔可以等，因為等的話可能會錯過一啲嘢，就算物轉星移，好多事會變，事物會變舊，人會離去，但唔變嘅嘢係感情。」
早前Jennifer到錄音室為新歌錄音，首次跟金像獎音樂監製戴偉合作的她指演繹歌曲時充滿挑戰性，她說︰「聲音上面難控制，要好似講嘢咁，但又唔可以似讀書，細說故事，非常難掌握，而呢首歌有啲高音位激動位，又唔可以太激動。」
要同時兼顧家庭和工作的Jennifer，直言在時間分配上不是太好：「因為要工作，而且有唔同朋友，仲有自己屋企人，特別係我婆婆，我唱呢首歌都有諗起佢，佢年紀開始大，有時會諗好耐冇見婆婆，但有時放假會選擇約朋友，所以要提醒自己，你諗起就要立即去搵，未必一定要去見面，打電話畀佢，都好過你乜都冇做。」
提到親情，Jennifer坦言婚後有更深入的睇法，令她更重視親情，她說︰「親情有昇華，因為唔止自己本身嘅家庭，仲有老公那邊的家庭，而且我和老公也組織了家庭，令我覺得有更多人與人之間感情要去珍惜，因為你遇到另一家人，以前大家唔認識，冇血緣關係，佢哋當你係一家人，所以要更加珍惜。」