●張敬軒跟樂易玲及何麗全合照。香港文匯報訊（記者 梁靜儀）張敬軒（軒仔）昨日到電視城錄影《勁歌金曲》，錄影完畢後，無綫高層樂易玲及星夢CEO何麗全亦有現身探班，令軒仔大感驚喜。
軒仔表示已有年多沒有上《勁歌 》，據知今集節目將以他為主，儼如小型演唱會。軒仔指今次因為是宣傳新碟加演唱會DVD，所以責任重大。談到他現時可亮相各電視台，軒仔說：「 時代唔同咗，打開新局面，好似我做餐廳、婚紗店、錄音室生意咁，百花齊放至有得做。」
軒仔又稱今年會多放時間在唱歌上，尤其是經歷過疫情後，大家都需要音樂療癒。問到他可想唱劇集主題曲，他笑說：「其實以前我都唱過劇集《盛世仁傑》主題曲，唔記得嗰時係咪喺舊公司，（想唔想再唱？）睇劇本，我鍾意唱古裝劇，（有興趣拍劇？）我客串過《四葉草》，𠵱家草都變咗樹，我個人比較鍾意拍古裝，以前都想過叫化妝師幫我黐頭套嚟睇吓，不過吊威吔就差啲，試過拍廣告吊足10個鐘，真係個個部位都痛，對身體各功能都擔心。」
談到好友容祖兒在內地拍攝綜藝節目期間手部受傷兼要入院縫針，問到可有慰問對方？軒仔表示第一時間已知道：「睇到都痛，叫咗北京啲同事買去疤膏畀佢嘞，佢工作好投入，但平時生活就粗心大意， 好彩唔係塊面，係隻手受傷。可能佢好掛住媽咪，如果媽咪喺身邊會好啲，總之比賽還比賽，安全第一。」