●林夏薇出席由敖嘉年主持的直播節目。香港文匯報訊（記者 梁靜儀）林夏薇（薇薇）與張子丰前晚為敖嘉年主持的網上直播節目《星級靚聲演唱廳》做嘉賓，敖嘉年表示跟薇薇於2014年合作劇集《寒山潛龍》時認識，知道她是唱得之人，笑言今次很難才請得薇薇「出宮」，至於張子丰亦是拍劇而認識，三人更會合唱。
薇薇表示因近年少有獻唱，為了保持水準事前都要上堂學唱歌惡補：「自從嘉年邀請我唱歌後緊張起嚟，因為要唱6首歌，今次係我第1次網上直播唱歌，同平時唱歌有少少唔同，希望畀觀眾留下好印象。」
另外，談到曾志偉返無綫大搞綜藝節目，問到薇薇會否期待有更多發展？她說：「我希望作多方面發展，對我嚟講都係以拍劇為主，如果有機會唱劇集主題曲就更好，我當年都唱過《單戀雙城》主題曲，仲攞咗歌曲獎，但之後就冇機會再唱，每次去登台大家都會點呢首歌，都想有第二首新歌，唔使變成一曲歌后。」
問到她可有見過堂兄林峯的女兒？她指從未見過真人，只看過相片：「因為疫情，我都冇見過林峯，我連自己父母都冇見過，佢個BB女就更加未見過，我都係睇相，之前我買咗份禮物畀BB，到𠵱家仲未送到，件衫仔已經買大咗個碼，希望送到畀佢嘅時候仲啱着。」另外，薇薇表示近日食店重開夜市，旗下的食店生意已有好轉，影響不算太大。