●李施嬅表示正式的婚禮只要求簡單。香港文匯報訊（記者 李思穎）李施嬅上月初突然「報喜」宣布圈外男友車崇健（Anson Cha）求婚成功後，昨日她首度公開露面出席《京燒清水燒展》，同場尚有吳偉豪、游嘉欣、徐文浩。人逢喜事的施嬅透露星級教練未婚夫製造了一個浪漫的海底求婚，不停讚賞對方是個好男人。雖然受疫情影響註冊及婚禮未能確定日子，但已認定對方是終身伴侶，兩人都不急生BB，更自爆跟她同期宣布婚訊的胞姐會搶閘出嫁，笑言最開心是爹哋，一次過嫁晒家中的女兒！
施嬅透露因疫情關係仍未開始籌備婚禮，她說：「因為我媽咪仲喺加拿大，要屋企人飛過嚟真係要睇清楚疫情發展，而未婚夫屋企人喺美國，所以暫時仲未知道婚禮會喺邊度搞，都希望喺香港舉行婚禮，但最終要睇情況，希望今年舉行，不然便要明年先搞了。」不過施嬅覺得無論是否已註冊或有無舉行婚禮，他們都已認定大家是終身伴侶，一生一世，結婚儀式是為屋企人去搞，對他倆來說不是太重要，而且做藝人已經在戲中結婚好多次，因此正式的婚禮只要簡單，家人開心便可以，她又笑言：「我家姐都係最近宣布結婚，佢嘅婚期亦都比我早，幾叻女，爸爸係最開心，因為一次過嫁晒啲女，哈哈！」
施嬅跟未婚夫Anson拍拖以來非常低調，原來兩人拍拖4年保密度甚高，她笑說：「覺得自己好勁無人知，身邊都只得幾位閨蜜知道，其實自己想宣布喜訊好耐，但對方是圈外人好怕醜又低調，驚會嚇襯佢，後來被傳媒影到的翌日，他去茶餐廳，俾一啲相熟嘅食客同埋老闆上前恭喜，嗰刻呇n驚兼面紅，佢即刻緊張打畀我話全餐廳的人都恭喜佢，我話你仲紅過我，所以等佢慢慢適應，其實我哋都想公開，只不過俾人快一步影到相。」
拒評與Brian Cha關係
有指其未婚夫原來是星級藝人周潤發、郭富城、楊千嬅等的私人健身教練，施嬅只肯透露對方是好叻教練，有好多藝人學生，覺得他是香港最叻教練，其他便不多說，但就強調自己非對方學生：「佢唔會同學生撻着，但運動上有指點我，如果佢真係教我嘅話，我諗會嗌交。」施嬅亦否認陳可辛是他們的媒人，並澄清是圈外人介紹的，問到她欣賞未婚夫什麼？施嬅甜絲絲表示：「佢個人好簡單、細心，好錫我，佢好支持我追求夢想，亦冇阻止我繼續喺呢行發展，不過佢個人真係好勤力，佢唔鍾意懶人，所以未來一世我都要好勤力。（造人方面會唔會一樣勤力？）順其自然啦，雖然我好鍾意小朋友，但係我哋都唔急生BB，暫時玩住陳山聰同埋杏兒嘅小朋友先囉。」問到目前是否已同居？施嬅坦言大家各自有自己的居所，但承認在半同居狀態。
提到求婚過程，施嬅表示：「我哋係有次去美國潛水嘅時候，佢喺水底突然拎出一隻結婚戒指向我求婚，幫我戴上，我覺得好有心思，因為佢知我鍾意海，求婚時候沒有花，但側邊有好多鯊魚，我覺得佢係一個好男仔。」
對於提到未婚夫是Brian Cha胞弟，施嬅表示要是談到她與未婚夫的關係絕對可以大方分享，但提到其他人就盡量避免。又問到未婚夫身為健身教練，可有受到近日健身群組影響？施嬅表示未婚夫相當愛乾淨，並會日日進行自我檢測，因此對他相當信任，亦讚賞未婚夫有責任感。
此外，游嘉欣未有受到「健身中心」群組影響，依然保持每周做一兩次運動的習慣，她表示：「我去的健身室是在荃灣區，是一對一授教，本身做GYM都有戴口睪，所以很安全。」嘉欣努力操弗下已見成績，她指沒有刻意上磅，只想操出平均身段，看起來更健康，問她是否做好準備迎接夏天來臨，到時可以接泳衣騷，她謂：「平時去沙灘好少着三點式，或者外面會加多件衫，如果有錢收，就要視乎價錢再決定了。」