● 余香凝與鮑起靜合作好有親切感。香港文匯報訊（記者 李思穎）準媽咪余香凝（Jennifer）與影后鮑起靜及好戲之人潘燦良拍攝的微電影《日子總有我伴你走》近日推出，該片是去年底在疫情中拍攝，Jennifer有感在疫情下很多人也沒工作，而她很開心有工開，可以見到好多熟悉的工作人員，有好強烈親切感，大家都有「終於開工」喜悅感！
Jennifer與鮑姐於戲中是一對「偽婆孫」，她說︰「鮑姐係我的客戶，當佢失智症嚴重時，佢想我做佢個孫女，喺坅峊囍瞴A好似真係做佢孫女咁照顧佢。」
提到首次與鮑姐合作，Jennifer直言演藝路上「成功解鎖」，與鮑姐等埋位時更是無所不談，她笑說︰「好似打卡咁，又可以同一個好鍾意的演員合作，而且佢非常友善，真係好似婆婆咁會同你傾好多嘢，加上我剛結婚，佢又會同你傾家庭觀，講吓女人話題，大家真係好好傾。」
Jennifer坦言今次拍攝非常難忘，不少「催淚」場口令她感受特別深，她說︰「呢個故事想講有啲嘢錯過咗就錯過咗，唔好將所有時間擺喺事業同埋愛情，你要分返啲時間畀屋企人。」她坦言很慶幸現實中80多歲的婆婆仍然健在，可以見證她不同的人生階段。