●何展睿香港文匯報訊 唱作歌手何展睿（Steve）最近應資深傳媒人梁安琪邀請擔任音樂會表演嘉賓，他一口氣自彈自唱幾首自己的創作。由於是次音樂會以「原音」為主題，所以Steve只用鋼琴作伴奏，實行以最簡單伴奏唱出最真摯的感覺。
Steve一向熱愛唱live，為音樂會事前努力練習做足準備：「今次係一個好難得機會，得到一位資深嘅前輩欣賞，成為佢人生第一次音樂會表演嘉賓係我嘅榮幸，所以我特登將自己創作重新編曲，純粹以鋼琴出發，因為今次音樂會唔係賣華麗舞台，純粹以聲音會友，所以事前要做足功夫練好歌，用咗好多心思編鋼琴伴奏，絕對唔係平時聽到嘅編曲同感覺，最後得到觀眾熱烈掌聲同歡呼已經係最好嘅回報啦！」
Steve表示今次演出十分難忘：「因為今次都算係疫情期間參與的第一個公開演出，所以自己同大會都特別重視防疫工作。雖然整個演出我都無除口罩，但我都有應場地要求，喺表演前7日內做咗陰性檢測證明，為己為人做足雙重保障。」當晚有朋友建議他唱歌時脫下口罩，他笑言：「雖然疫情影響，入場人數減半，但都係聚集一定人數，自己平日教學要面對好多學生，下個月又要舉行大型音樂會，所以戴着口罩唱歌辛苦啲都要，要好好保護自己同埋做好榜樣嘛！」