● 克勤當年也是參加歌唱比賽出身。香港文匯報訊（記者 梁靜儀）李克勤昨日與歌唱節目《聲夢傳奇》15位參賽者，出席於將軍澳電視城舉行的拜神儀式，並一起切燒豬，祈求節目順利進行。克勤以節目主理人身份首度曝光，他久未參與製作無綫綜藝節目，表示對上一次已是8年前主持的《決戰一分鐘》，真心希望做到一個大家覺得好的節目，故今次回來是講心唔講金。
克勤開心見到TVB的氣氛變得朝氣勃勃，他說：「早幾日見到志偉（曾志偉）朝早9點就返工，我識咗帊搹h年都未見過，佢只有去打波可以咁早，佢直頭係付出咗�嘅生命去幫手。」他透露TVB早在1月份已跟他洽談今次的節目，但並非志偉找他：「其實邊個搵唔重要，每一個工作都係緣分，咁啱我1月由內地返來，嚟緊今年大部分時間都會喺香港，佢哋覺得呢個工作崗位好啱我做，我又覺得幾好玩。佢哋初時想我做導師，但我又唔想我單方面畀啲嘢�哋，現在就畀我做主理人，我想好似大哥哥咁同佢哋分享，我見到有啲參賽者都只有14、15歲，只係大過我個仔1、2年。」
被參賽者叫李生覺親切
克勤又稱自己也是參加歌唱比賽出身，近幾年亦在內地參加了很多歌唱比賽節目，可以跟參賽者分享心得，亦希望參賽者可以跟他分享時下年輕人對音樂的喜好及怎樣感受音樂，雙方不是導師和學生的關係，他笑說：「佢哋叫我做『李生』，我覺得幾好，幾親切，如果佢哋咁細個直呼我克勤，佢哋好似驚驚哋，叫我克勤哥，我又覺得有啲毛管戙。」
他透露會邀請其他朋友幫手做導師，可能是參賽者鍾意的歌手，但人選就要等大會公布，不過他心裏有數。他續稱這個不是單純的歌唱比賽節目，都涉及綜藝及真人騷元素，希望做到有別以往的歌唱節目，大家會鍾意及希望有好收視，因大家投放了不少時間及心機，他笑說：「你知TVB錢就冇乜㗎喇！（你有冇人工？）有，夠買衫褲鞋襪，我同TVB唔係講呢樣嘢，始終有份情意結，現在係個革新年代，我真係希望做到一個大家覺得好的節目。」
指囝囝沒歌唱天分
另外，克勤續稱之前已跟15位參賽者接觸過幾次，雖未完全記得他們的姓名，但對他們的特徵、唱腔等都略知一二，印象最深刻當然是幾位只有14及15歲的參賽者：「好似見到我個仔咁，不過佢哋已經大個，完全唔係呢個年齡，我個仔就仲係好Baby，佢哋就好大個女，我都會一視同仁，所以我返嚟第一樣都唔想做負責畀分嗰個，做個硬倔倔嘅導師。」
克勤又稱上星期第一次跟參賽者見面時都有作自我介紹：「我係李克勤，唔知你識唔識我啦，因為我個仔啲同學好多都唔識我，所以正常地佢哋唔識我，但我話你老竇老母應該好識我，我喺�哋個界別都係頗受歡迎。」 他指參賽者事前真的完全不知道他會出現及有關賽制。問到可會讓兒子參加唱歌比賽，克勤說：「佢冇呢個天分，好彩，唔使我頭痛。（你唔贊成咁細個參加？）唔係唔贊成，每個家庭處理事情都唔一樣，第一樣要睇佢有冇天分，冇就唔好夾硬嚟，或者未有(天分)啦，最好冇啦。(你話14歲女仔已經好成熟，擔唔擔心個仔難追女仔？）唔知，呢啲呇菑v條命，梗有方法嘅，船到橋頭自然直，失敗幾次就識㗎啦。」