●霍啟剛和鄭麗莎皆已為人父母。香港文匯報訊（記者 梁靜儀）霍啟剛昨日到觀塘出席《聆聽童心事》開幕禮，並擔任主禮嘉賓，鄭麗莎則擔任活動大使。育有三名子女的霍啟剛表示受疫情影響，子女都要在家中網上上學，父母不再是輔助角色，停學對家長是個很大的挑戰。
霍啟剛表示跟7歲的大仔中曦開始傾心事，兒子有不明白的都會問他，兩父子溝通多了，他都很珍惜，因小朋友可能過多一、兩年就不會再講。問到他童年時是否很少與父母溝通？啟剛說：「真係少啲溝通，可能父母都忙，回憶當時爸爸要周圍飛，少啲喺屋企，我好多時都同嫲嫲一齊，不過𠵱家時代唔一樣，都希望騰出多啲時間去陪小朋友。」
提到他都放很多時間在家庭，經常與太太郭晶晶及三名子女家庭樂？啟剛稱因為疫情關係，減少了應酬及開會，可多些時間陪小朋友。問到他現時多了留在家中，會否增加摩擦？霍啟剛說：「又唔可以講摩擦嘅，晶晶主要負責教功課，難免有個別情況小朋友坐唔定，（太太做惡嗰個，你就做好Daddy？）我哋會分工，我今朝都負責同個仔溫英文準備考試，一齊分擔嘅，（會唔會有少少勞氣？）晶晶有時都會因教育問題覺得忟憎，但都明對個仔嬲都冇意思。我會教佢哋讀書做功課係為自己，唔係向父母負責，我唔係要求佢哋科科一百分，如果冇做功課就要自己向老師解釋返，咁佢哋就明白係自己嘅責任，就好似學校有讀書獎勵計劃，如果冇讀晒書就冇獎勵，要向同學解釋都冇面子啦。你同佢勞氣都冇用，講解吓小朋友就會明，唔係要佢哋達成父母嘅期望，而係一個團體精神。」