●郭富城透露家中設有賽車遊戲的專屬座位及軚盤。香港文匯報訊（記者 梁靜儀）郭富城（城城）、陳蕊蕊、何依婷及張天賦等，昨日到尖沙咀出席「挑戰者盃」亞洲電競賽車錦標賽，擔任挑戰者盃形象大使的城城，透露家中設有賽車遊戲的專屬座位及軚盤，讓他可以在虛擬世界實習賽車跑道，他坦言賽車運動可以讓他減壓。
城城表示在家中都有玩電玩，不過兩個女兒大寶及二寶還小，不想她們接觸電子遊戲，怕她們太早接觸會沉迷。問到湊小朋友時可會出動到「電子奶嘴」，他說：「細啲嘅時候有，會用電子產品睇動畫，但每日只會睇15或30分鐘，到再大啲�哋就唔需要。」
他又透露家中設有賽車遊戲的專屬座位及軚盤，因他之前的車隊曾參與業餘比賽，不過去年因疫情而沒有賽事，只好靠玩電競止癮：「電競同真實環境好接近，可以了解跑道，玩啲專業虛擬賽事仲會Full Gear上陣戴埋頭盔，玩完真係會成身汗，可以鍛煉專注力同體能。」問到如果賽事重開，太太方媛可會讓他落場參與賽事？城城說：「賽車運動可以令我減壓，因為有時工作要演沉重角色抽離唔到，賽車運動可以令我完全釋放同減壓，現在要減壓當然係同小朋友出去玩。」
今次活動城城的慈善基金亦有份參與，他希望籌到善款幫助基層，以及透過今次活動發掘更多有潛質的電競選手，日後經過訓練可以落場參與真實賽車比賽。城城指賽車手歐陽若曦亦會擔任活動頒獎嘉賓，對方曾代表香港到不同地方出賽，希望向對方請教賽車心得。
陳蕊蕊自言跟男友好恩愛
陳蕊蕊亦有參與亞洲電競賽車錦標賽活動，更親身上陣作賽，在200名女子組參賽者中排第6名，對於未能晉身決賽， 她坦言有少少唔抵：「因為前面個車手炒車，我爬唔到頭，所以攞到呢個名次 ，其實所有選手都好勁，甚至由專業車手訓練，我只係搵教練教咗1日，又試過偷偷哋影低個專業車手嘅練習片返去練習，為咗今次賽事練到隻手甩皮同起繭 ， 雖然入唔到決賽但快到自己一秒都好有成功感， 打算明年再參加。」蕊蕊表示最近忙完舞台劇演出， 之後會為錦標賽拍廣告、拍微電影，又會直播帶貨， 問到是否不愁收入？她說：「都唔係，因為帶貨收入唔穩定。」 說到她的舊愛金剛早前入院接受切除肛門腫瘤及痔瘡，蕊蕊說：「我唔知喎，好耐冇聯絡，希望佢冇事，（有冇留意金剛同現任女友好恩愛？）冇喎， 自己（同男友）都好恩愛。」