香港文匯報訊（記者 梁靜儀）袁詠儀（靚靚）日前為余安安 、陳凱琳及羅敏莊主持的綜藝節目《日日媽媽聲》擔任嘉賓，分享生仔經驗，並自爆為了懷第二胎用盡方法， 可惜未能如願而感遺憾。
靚靚與老公張智霖婚後育有一子張慕童（魔童)，一直希望生多個讓兒子有伴的靚靚，表示本身有一個哥哥及一個妹妹，雖然小時候三兄妹會嗌交及打架，但長大後有問題都可以一齊去處理，她不想兒子將來要一個人去處理問題，所以想生多個。她又自爆當年為生魔童而戒煙：「以前我有個壞習慣，就係抽煙，因為我想喺一個健康機器生B，所以戒煙三個月後才造人，做咗幾個月都冇聲氣，正當準備放棄就有，當時好多方法都試過，計體溫、計日子、研究姿勢等，又會諗住（BB）快啲嚟，快啲嚟媽咪度。」
一直渴望生多個的靚靚表示用盡了很多方法都不成功。問到試了多久？她說：「斷斷續續都維持咗幾年，我有同老公計時間，又嘗試接受人工受孕，可能年紀上的確有影響，之後就放棄，對我嚟講係好遺憾，放棄之後就冇再諗。」
靚靚表示接受人工受孕，除了打針痛是必然之外，覺得要等待結果，然後換來醫生一句「Sorry」是最無奈，她說：「唔係佢話Sorry 嗰一刻唔開心，而係等待嗰段時間，乜都做唔到，結果又唔成功，係我覺得最唔舒服，我又未至於最唔開心，因為小朋友係命中注定，我只係覺得唔舒服，唔畀自己有呢個情緒。」