●何雁詩接受許文軒訪問。香港文匯報訊（記者 梁靜儀）何雁詩（Stephanie）日前接受TVB娛樂新聞台節目《StarTalk》主播許文軒（Edmond）專訪，大談相隔四年再推出實體唱片《Que Sera Sera》感受。
Stephanie提到新碟最後一首派台歌《灰夠》是其親身經歷，錄這首歌時更令她產生不開心的情緒，她很多謝老公鄭俊弘（Fred）很有耐性陪伴她：「當時仲要啱啱結咗婚，搞到好唔開心，會帶咗啲情緒返屋企，多謝Fred有耐性去陪我，畀一個位我盡情爆喊抒發出嚟。不過另一個角度，正正因為多咗咁多情緒，令自己寫多咗幾首歌，生產力好高。」
談到婚後為對方改變了什麼？她笑說：「Fred為我改變多啲！我哋有好多嘢好唔同，好記得拍《娛樂大家》時，Liza姐（汪明荃）都有問點解鄭俊弘會同我結婚，一個咁多嘢講，一個咁靜？好彩我哋價值觀好似，我哋努力維繫中。好似初初拍拖時，佢會覺得買花浪費金錢，叫佢買束花慶祝拍拖一周年，佢竟然買咗拜山嘅菊花，我真係好深刻！不過到最近拍拖四周年，佢終於識得買花，佢送咗黃玫瑰畀我，後尾先知原來黃玫瑰係解分手！」
Stephanie又大爆老公秘密：「Fred有潔癖，對於去Car Camping呢件事已經有好多恐懼，包括衞生同污糟嘅問題，喺半夜佢個肚出現狀況，人有三急，我唯有係山頭掘咗個窿畀佢解決，最後佢自己埋返同清理返。之後我喺度諗，點解我要幫佢掘，明明佢自己可以做，由此證明我真係好鍾意佢！呢件事喺我人生中都幾浪漫。」