●胡鴻鈞親自為粉絲煮刀削麵。香港文匯報訊（記者 梁靜儀）胡鴻鈞昨日到山頂廣場出席「齊來《整親》刀削麵」歌迷聚會，受「限聚令」影響，活動只招待60多位歌迷，每4人一枱。
活動上，胡鴻鈞化身胡師傅為粉絲煮刀削麵，又笑問粉絲：「 啲麵要硬啲定軟啲？女仔都係鍾意硬啲。」他表示因市道艱難，加上因疫情下已很久沒有跟粉絲舉行聚會，於是想藉着新歌宣傳同粉絲聚會。除了學煮麵給粉絲食，他表示之前媽咪亦有鼓勵他學整甜品， 整過曲奇、蛋糕仔及芝士撻，整完都有拿成品回家給家人食， 至於味道如何？他笑言覺得好食，當然他較鍾意別人整給他吃。 問到將來的女友如果識煮食，會否加分？他說：「之前去澳洲同新西蘭留學，都有學整過番茄炒蛋，呢個係我拿手菜，如果女友識煮嘢食就更好，可以彌補我唔識煮嘢呢個缺陷，但又唔會特別着重呢樣。」
經常被指「刀削面」的他，新歌《整親》歌詞大玩自嘲，引來不少迴響，對此他說：「我想藉住自己嘅故事畀正能量大家，喺過程正學識成長，畢竟自己喺呢行一段時間，自己心態要調整，我希望成為粉絲榜樣，（有何值得粉絲學習？）我性格豁達，對好多事都樂觀面對，呢個好值得粉絲學習，因為人生有好多唔同難關，覺得心態最重要，要開心過每一日。」問到何時重返星夢娛樂？他表示未知，笑言要忙煮麵，但會盡快落實。