● 羅家英接受師妹楊盼盼的訪問。香港文匯報訊（記者 梁靜儀）羅家英日前應邀為楊盼盼主持的節目《盼你賞面》擔任嘉賓。節目中，楊盼盼親自下廚炮製「紅燒元蹄」款待家英哥。談到二人的相識淵源，楊盼盼即笠高帽指：「家英哥係我京劇同門師兄，做到你師妹，我真係覺得好榮幸。」
家英哥與楊盼盼又大談演藝路，自小學習粵劇的家英哥 ，長大後亦醉心粵劇界發展，至1991年獲導演黃志強邀請首次參與電影《重案組》拍攝，開拓了他的電影事業。
1994年，家英哥接拍了多部經典電影，包括《女人四十》、《國產凌凌漆》、《西遊記第壹佰零壹回之月光寶盒》等多套電影，其中《女人四十》更榮獲第32屆金馬獎及第15屆香港電影金像獎最佳男配角獎項，他形容當年是他人生的高峰點，他說：「金馬獎宣布得獎嗰刻，我呆咗兩秒，張國榮喺後面大叫『家英哥係你喇』，感覺仲好似矇查查咁，不過係開心，好記得係袁詠儀頒獎畀我，呢啲都係運氣嚟，可以遇到一個能夠得獎嘅角色及電影。」
此外，家英哥透露投資過3套電影，不過3套電影均未出過街，他笑說：「3部電影都未出過街，留畀自己睇，第一部喺馬來西亞同徐錦江拍、第二部同關禮傑喺廣州拍，第三部就未知出唔出到，我仲想拍第四部，我已經有故事喺度。」