特區政府要求所有外傭本月9號之前接受強制檢測，又研究要求續約同新來港嘅外傭要先接種新冠疫苗。唔少香港網民都覺得，外傭主要照顧有老有嫰嘅家庭，佢哋原居地嘅疫情唔係咁易控制到，要求佢哋打咗針再嚟好合理。有網民亦反問︰「地盤工、跨境司機、院舍服務員，都要做檢測，點解外傭檢測是歧視？係有人濫用歧視攬炒香港。」
啱啱兩日都有大班外傭排長龍做檢測，唔少人都要等成幾個鐘，好多香港人都予以同情，認為政府可以安排得好啲。「Helen Chan」表示︰「難為了工人姐姐，應增檢測地點及預約時間。」「WU Winnie」話︰「咁多人排隊，密密麻麻，好容易感染。」
雖然外傭排得辛苦，但唔少香港人都覺得有必要檢測。「Abby Sze」認為︰「做好過唔做嘅。」「Chan Chicharito」表示︰「一定要啦，一到假期，睇下中環尖沙咀旺角，外傭多到×街，又唔帶（戴）口罩。」●香港文匯報記者 甘瑜