●Hana自爆喊樣好嚇人。香港文匯報訊（記者 梁靜儀）吳業坤（坤哥）近日在社交平台上載與男子組合Error成員193（郭嘉駿）的合照，坤哥前晚亮相《勁歌金曲》，他坦言日前返無綫見高層被「照肺」，但就與合照無關。而菊梓喬談到與吳若希合唱，直言比較難夾Key，亦無因此而增進感情。
菊梓喬（Hana）上《勁歌金曲》獻唱劇集《逆天奇案》片尾曲《秘密花園》，她表示綵排時已好緊張，因要即場接受導賞團批評，而且會有觀眾即場畀Like。問到可怕被批評到喊？她笑說：「我唔知呀！我自己好易喊，一兩句批評就會喊，已經袋定紙巾。（喊樣靚唔靚？）我MV喊得好靚，但真喊會歪晒面，也怕會嚇走一半觀眾，但都好期待，因為反應好真實。」
談到她早前在節目中跟同公司的吳若希（Jinny）合唱，Hana直言跟Jinny比較難夾，她說：「我哋比較難夾......個Key，（覺得誰唱得較好聽？）一定係前輩好聽啲，（Jinny話唔想再合唱？）我都希望同多啲唔同歌手合唱。（合唱完有冇增進感情？）其實都係一樣，都係專心做好音樂。」
在日隱瞞歌手身份 多識朋友
早前於日本完成工作假期回港的坤哥，完成自我隔離後，相隔半年再次亮相《勁歌金曲》，他自爆日前曾返公司被「照肺」：「其實隔離完之後兩三日都有返電視城被高層『照肺』，見咗樂小姐（樂易玲）同何生（何麗全），問我做乜咁耐唔返嚟，佢哋話知我行咗東海道，話畀兩集節目我介紹吓個地方。成日都話走咗冇人記得，好好彩都返到嚟，大家仲記得我。」
近日正值電視大戰， 他日前又跟193合照，問到可有被公司訓話？他說：「公司好大方，冇因為合照問我，我兩年前（演唱會）有邀請MIRROR做嘉賓，樂小姐都有嚟睇，大家都好開心，唔覺得會有呢啲矛盾出現。大家有言論自由，大家係朋友，想玩啲想玩嘅嘢。」他透露與193一齊出現，是因他臨去日本前有講過一齊做Cover（網上平台合唱），趁開劇前有時間便見面傾吓。至於可否怕公司反對合作要取消？他說：「如果有適當理由，例如廣告品牌撞咗，合約上有問題當然唔會做啦，但𠵱家係網上合作，我都同好多唔同歌手合作，所以冇考慮太多因素。」
雖然回港已一段時間，但坤哥笑言仍有少少未習慣香港的生活節奏，他笑言在日本期間做廢青，會避開繁忙時間，回港後遇上塞車及聽到有人講「粗口」，就感覺到香港的節奏。問到可有認識日本女朋友？他笑說：「男女朋友都識到啲，希望之後通關可以見吓面，（有冇可發展嘅對象？）我好開明，大家都有發展的可能。」他笑言香港人對他十分熟悉很難發展，所以在日本跟朋友自我介紹時，不會自爆是歌手，他笑說：「我去到日本會介紹自己係KOL，如果話自己係歌手怕會有隔膜。」